Policia ka njoftuar se në orët e hershme të mëngjesit në rrugën “Shaqir Igrishta” janë djegur tri vetura, raporton Gazeta Enigma.
Zëdhënësja e policisë për rajonin e Prishtinës, Flora Ahmeti, për Gazetën Enigma. ka theksuar se përpos veturave dhe një kamionetë dhe një rimorkio është djegur.
“Sot rreth orës 04:00, kemi pranuar informatën për një incident zjarri në rrugën “Shaqir Igrishta” në Prishtinë, ku janë djegur tri vetura, një kamionetë dhe një rimorkio. Në vendngjarje kanë dalë zjarrfikësit dhe policia të cilët janë marrë me rastin”, tha Ahmeti, teksa nuk raportohet për të lënduar.
Hetuesit policor në koordinim me prokurorin po kryejnë veprimet e nevojshme hetimore. / Gazeta Enigma.
