Ministri i Mbrojtjes, Armend Mehaj, pas tërmetit të rëndë që goditi Turqinë ka shprehur gatishmërinë e plotë homologut të tij turk Hulusi Akar që të ofrohet ndihmë me të gjitha kapacitet profesionale të FSK-së për reagim, kërkim-shpëtim dhe rimëkëmbje në zonat e prekura, raporton Gazeta “Enigma”.
Në reagimin e tij, ministri Mehaj ka uruar që numri i viktimave dhe dëmeve të jetë sa më i vogël.
Numri i viktimave nga ky tërmet besohet se është 360, teksa zyrtarët shëndetësorë në kryeqytetin sirian, Damask, kanë raportuar se 237 persona kanë vdekur në zonat që kontrollohen nga Qeveria siriane.
Reagimi i plotë i Mehajt:
Pas lajmit tronditës së në orët e hershme të mëngjesit Turqia është përballur me një tërmet me magnitudë 7.8 shkallë të Rihterit, Ministri i Mbrojtjes, Armend Mehaj, është shprehur se në këto çaste të vështira për presidentin Recep Tayyip Erdoğan dhe popullin turk lutjet tona janë me ta.
Ndërsa Ministrit të Mbrojtjes së Turqisë, Hulusi Akar, Ministri Mehaj i ka shprehur gatishmërinë e plotë që të ofrohet ndihmë me të gjitha kapacitet profesionale të FSK-së për reagim, kërkim-shpëtim dhe rimëkëmbje në zonat e prekura.
“Urojmë që numri i viktimave dhe dëmeve të jetë sa më i vogël, ndërsa familjeve të cilët kanë humbur më të dashurit e tyre u shprehim ngushëllimet tona më të sinqerta.
Me vullnet dhe forcë lutemi që ta kaloni këtë sfidë të rëndë!”, ka theksuar Ministri Mehaj.
