36 mijë e 427 gjoba të shqiptuara në trafik bazuar me Ligjin e ri, nga data 3 prill kur edhe ka hyrë në fuqi, e deri më 3 maj.
Policia ka bërë të ditur edhe cilat janë dënimet që janë dhënë më së shpeshti për shkelësit e rregullave në trafik.
27 mijë e tre gjoba janë regjistruar për tejkalim të shpejtësisë;
4 mijë e 548 gjoba për rrip të sigurisë;
2 mijë e 659 gjoba për përdorim të telefonit etj.
“Me qëllim të rritjes së sigurisë rrugore, mbrojtjen e jetës dhe zhvillimin normal të rrjedhës së trafikut, Policia e Kosovës gjatë muajit të parë të implementimit të ligjit të ri të trafikut ka ndërmarrë fushata për vetëdijesimin dhe sensibilizimit e qytetarëve në respektim të rregullave dhe kontributit të përbashkët për parandalimin e aksidenteve në trafik. Policia e Kosovës, APELON të gjithë pjesëmarrësit në trafik të respektojnë rregullat e trafikut sepse vetëm bashkërisht mund të kontribuojmë në sigurinë rrugore duke shpëtuar veten dhe pjesëmarrësit tjerë në trafik”, thuhet në njoftim.
