Kryeministri i Kosovës, Albin Kurti, ka deklaruar se për herë të parë në vitin 2025 niveli i furnizimit me barna esenciale në Klinikën e Onkologjisë do të jetë 100 për qind, raporton Gazeta “Enigma”.
Përmes një postimi në profilin e tij në Instagram, Kurti bëri të ditur se për Ministrinë e Shëndetësisë dhe Shërbimin Spitalor dhe Klinik Universitar të Kosovës për vitin 2025, ka ndarë 105 milionë euro.
“Për Ministrinë e Shëndetësisë dhe Shërbimin Spitalor dhe Klinik Universitar të Kosovës për vitin 2025 kemi ndarë 105 milionë euro, ku përfshihen buxheti për barna esenciale, materiale tjera të nevojshme dhe shërbime shëndetësore. Përmes tij, po shtojmë barna të reja në listën esenciale dhe në vitin që vjen për herë të parë niveli i furnizimit me barna esenciale në Klinikën e Onkologjisë do të jetë 100%. Klinikë pas klinike”, ka deklaruar Kurti. /Gazeta Enigma/
