Pas takimit me Osmanin, Lajçak niset drejt Qeverisë

Pas takimit me Osmanin, Lajçak niset drejt Qeverisë

Emisari i Bashkimit Evropian për dialogun Kosovë-Serbi, Miroslav Lajçak pas takimit me presidenten Vjosa Osmani, ka shkuar në qeveri ku është pritur nga kryeministri Albin Kurti.



Lajçak nuk u deklarua për media pas takimit me Osmanin. Nuk dihet nëse ai do t’u përgjigjet pyetjeve të gazetarëve as pak takimit me kryeministrin.

Të ejten, zëdhënësi i Bashkimit Evropian, Peter Stano ka thënë se vizita e sotme e Lajçakut në Kosovë ka për qëllim përparimin e dialogut dhe përgatitjet për takimin e radhës mes Kurtit dhe Vuçiqit, që synohet të mbahet para fundit të vitit.

Paraprakisht, Lajçak e vizitoi Serbinë.

Ky është takimi i dytë i Lajçakut me Kurtin brenda pak ditësh, pasi të dy u takuan në Vjenë të Austrisë të hënën.

Lajçak shkroi në Twitter se ka pasur një diskutim të thellë me kryeministrin Kurti për gjendjen aktuale dhe dialogun.

“Sot në Vjenë pata një diskutim të thellë me kryeministrin e Kosovës, Albin Kurti për gjendjen aktuale dhe rrugën përpara në Dialogun e lehtësuar nga BE-ja”, kishte shkruar Lajçak.

/Gazeta Enigma/

Related Articles