Raportimet kur njoftohet për rastet e vrasjeve e plagosjeve në vend, janë të shpeshta.
E jo rrallë herë këto veprat kriminale për të cilat njoftohet publiku, kryhen nga armët ilegale.
Kjo pasi numri i kosovarë që në pronësi kanë armë pa leje, nuk është i vogël.
Nga ministria për punë të brendshme thanë se në popull janë rreth 250.000 armë ilegale.
Por, duke mos treguar kur është bërë hulumtimi shtuan se numri i tyre është zvogluar për rreth 100.000 nga 360.000 sa ishin më parë.
Nga MPB gjithashtu deklaruan se e kanë në plan sa më parë të nisin fushatën e legalizimit dhe dorëzimit të armëve .
Megjithatë, po kërkohet ndryshim nga fushata e fundit që u mbajt për këtë punë, më 2019.
Sipas të dhënave nga policia, ky institucion mori më shumë armatim vitin 2021 se sa atë paraprakin.
