Një akuzë e rëndë është bërë nga një punonjëse 18-vjeçare në hotelin ku ka qëndruar kombëtarja e Shqipërisë gjatë kampionatit EURO 2024 në Gjermani, transmeton Gazeta Enigma.
Ajo ka lajmëruar policinë gjermane se një anëtar 26-vjeçar nga kombëtarja shqiptare e ka përdhunuar atë, në kuzhinën e hotelit ku është akomoduar kombëtarja e Shqipërisë.
Punonjësja e hotelit e shkollës sportive Kaiserau në Kamen ka lajmëruar policinë pas sulmit të 23 qershorit në orën 19:30.
Zyra e prokurorit publik të Dortmundit konfirmoi se një hetim ishte duke u zhvilluar, sipas raportit nga “Hellweger Anzeiger”.
E reja i tha policisë në Unna se personi me përkatësi shqiptare e kishte futur me forcë në kuzhinë, e kishte puthur dhe kishte abuzuar seksualisht me të.
“Ajo që është interesante është se edhe pse prokuroria publike u informua menjëherë për veprën seksuale të raportuar, i akuzuari mundi të fluturonte në shtëpi i papenguar të nesërmen (pas humbjes 0:1 nga Spanja)”, shkruan Bild.
Një zëdhënëse e organit të akuzës tha: “Duke qenë se deri më tani nuk ka dyshime të forta për një krim, nuk është bërë asnjë kërkesë për urdhër arresti”.
Sipas ligjit gjerman, një përdhunues mund të dënohet me të paktën dy vjet burg. Aktualisht është e paqartë se si do të vazhdojë hetimi.
Çështja e fajit tani duhet të sqarohet se deri në çfarë mase burri mund ta kishte njohur refuzimin e gruas së re, u tha nga prokuroria.
Shqiptari dyshohet se i ka thënë lamtumirë më pas vajzës, me fjalët se duhet ta pret atë për të shkuar përsëri.
I dyshuari thuhet se nuk është as lojtar dhe as zyrtar i rangut të lartë në federatën shqiptare.
“Kujdesi ndaj punonjëses dhe mbrojtja e të drejtave të saj personale janë prioriteti ynë kryesor”, tha një zëdhënëse e “SportCentrum Kaiserau”.
Pasi u bë e ditur ngjarja, i dyshuari u pezullua menjëherë nga Federata Shqiptare e Futbollit. /Gazeta Enigma
