Ministrja e Drejtësisë, Albulena Haxhiu dje është intervistuar në Prokurorinë Speciale të Kosovës.
Ndërkaq këta të fundit kanë bërë të ditur se edhe gjatë ditës së sotme do të vazhdoj intervistimi i saj.
Sipas PSRK-së, intervistimi i Haxhiut, po bëhet lidhur me deklaratat e dhëna në një emision televiziv në Kosovë më 2 korrik dhe postimin e saj më 20 korrik për arratisjet nga burgjet e Kosovës.
“Me qëllim të sqarimit të deklaratës së saj të dhënë në mediumin TV Dukagjini, në emisionin “Debat Plus’’ më datë 02 Korrik 2024, lidhur me takimet dhe diskutimet e mundshme me prokurorë dhe gjyqtarë për raste të caktuara, si dhe postimin e saj në rrjetin social Facebook të datës 20 Korrik 2024, lidhur arratisjet që kanë ndodhë nga burgjet e Kosovës”, thuhet në njoftim.
Ministrja më parë kishte hedhur dyshime edhe rreth rastit të Faton Hajrizit, i cili u raportua si i vrarë nga policia serbe të premten e kaluar në Loznicë. /Gazeta Enigma
Ministrja e Drejtësisë, Albulena Haxhiu edhe sot do të intervistohet nga Prokuroria Speciale
