Qeveria e Republikës së Kosovës përmes një njoftimi për media ka bërë të ditur se kryeministri i vendit, Albin Kurti i shoqëruar nga kryediplomatja Donika Gërvalla dhe shefi i stafit të presidentes së Kosovës, Blerim Vela janë kthyer në Kosovë, raporton Gazeta Enigma.
“Kryeministri i Republikës së Kosovës, Albin Kurti, zëvendëskryeministrja dhe ministrja e Punëve të Jashtme dhe Diasporës, Donika Gërvalla dhe shefi i Stafit të Kabinetit të Presidentes së Kosovës, Blerim Vela, janë kthyer nga Kroacia, ku mbrëmë kanë vizituar bashkatdhetarët e lënduar në aksidentin tragjik, të cilët po marrin trajtim mjekësor në spitalin e Slavonski Brodit”, ka thënë kryeministria në njoftimin e tyre.
Në Kroaci, sipas Qeverisë, po qëndrojnë Ministri i Punëve të Brendshme, Xhelal Svecla dhe ai i shëndetësisë, Arben Vitia.
“Në Kroaci vazhdojnë të qëndrojnë ministri i Punëve të Brendshme, Xhelal Sveçla dhe ministri i Shëndetësisë, Arben Vitia për të koordinuar tutje veprimet dhe të gjitha masat e nevojshme për kujdesin dhe trajtimin e të gjithë udhëtarëve që janë lënduar në këtë aksident tragjik”, thonë nga Qeveria.
